Grand slam

Di Wikipedia, e ensiklopedia liber
Bai na: Nabegashon, Buska

Den beisbòl un grand slam ta nifika ora un hungadó bati un home run ora tur base ta okupá ("base yen"), asina empuhandó kuater kareda, kual ta e maksimo di kareda ku por empuhá den un hungadá. Segun e Dickson Baseball Dictionary, e termino a origina durante di un wega di karta yamá contract bridge, kaminda un grand slam ta involvi uzó di tur triki posibel. E palabra slam riba su mes, mayoria biaha ta wòrdu asosiá ku un zonido duru, partikularmente ora un porta dal ku hopi forsa; pues dal e porta sera riba e persona su oponente. E termino ta wòrdu uzá den diferente deporte, entre otro gòlf i tènis.

Eventonan notabel[editá | editá fuente]

Ta konsiderá Roger Connor komo e promé pelotero pa a bati un grand slam. Esaki a sosode riba 10 di sèptèmber 1881 ora ku e tabata forma parti di e ekipo di Troy Trojans. Aunke Charlie Gould a bati un grand slam ora e tabata forma parti di e ekipo di Boston Red Stockings (Aktualmente e ekipo di Atlanta Braves) den e National Association (NA) riba 5 di sèptèmber 1871, e asosashon NA no ta rekonosí komo un parti di liga grandi pa MLB.

Alex Rodriguez a bati su di 24 grand slam, e kantidat di mas haltu den historia, riba 20 di sèptèmber 2013, asina kibrando rèkòrt di Lou Gehrig ku tin 23 riba su nòmber.

Don Mattingly a buta un rèkòrt di 6 grand slam den un temporada na aña 1987, remarkabelmente e uniko grand slam nan den su karera profeshonal. Travis Hafner a empata e rèkòrt akí na 2006. Na 2009 Albert Pujols a empata e rèkòrt di Ernie Banks di 5 grand slam den un temporada, ku a logra esaki na 1955.

Lidernan di grand slam[editá | editá fuente]

Aktualmente Alex Rodriguez tin e rèkòrt di mas tantu grand slam (24) riba su nòmber.
Ku 23 grand slams, Lou Gehrig tatin e rèkòrt riba su nòmber te ku 2013.[1]

Peloteronan marká ku pretu diki aktualmente ta aktivo den liga grandi.

* Alex Rodriguez     24
* Lou Gehrig 23
* Manny Ramírez 21
* Eddie Murray 19
* Willie McCovey 18[1]
* Robin Ventura 18
* Carlos Lee 17
* Jimmie Foxx 17
* Ted Williams 17
* Hank Aaron 16
* Dave Kingman 16
* Babe Ruth 16
* Ken Griffey, Jr. 15
* Richie Sexson 15
* Jason Giambi 14
* Gil Hodges 14
* Mark McGwire 14
* Mike Piazza 14

 1 - National League rèkòrt

  1. "Lou Gehrig Grand Slams". Baseball Almanac. http://www.baseball-almanac.com/players/Lou_Gehrig_Grand_Slams.shtml. Retrieved 21 September 2013.